Египетэд Хеопс пирамидаас шинэ хонгил олджээ
642 
Олон улсын судлаачдын баг Каир хотын өмнөд захад байрлах Гизагийн өндөрлөгт орших Хуфугийн пирамид (Хеопс) дотроос үл мэдэгдэх хонгил олж илрүүлжээ. Энэ тухай пүрэв гарагт Египетийн Аялал жуулчлал, эртний олдворын сайд Ахмед Исса мэдэгдэв.
Ахмед Исса "Энэ төслийн ажил 2015 оноос эхтэй. Пирамидуудыг судлах явцад 9 метр урт, 2.1 метр өргөн хонгил олдсон" гэж пирамидын дэргэд болсон хэвлэлийн бага хурлын үеэр хэлжээ. Египетийн эрдэмтдийн баг энэхүү ажлыг АНУ, Франц, Герман, Япон, Канадын их дээд сургуулиудын эрдэмтэн, мэргэжилтнүүдийн хамт хийж байна гэжээ.
Египетийн түүхч, археологич, Эртний олдворын сайд асан Заки Хавас хэвлэлийн бага хурал дээр хэлэхдээ энэхүү археологийн олдворыг "Орчин үеийн Хеопс пирамидаас хийсэн хамгийн чухал олдворуудын нэг" гэж нэрлэжээ.
"Фараон Хуфугийн пирамид бол дэлхийн хамгийн алдартай пирамидуудын нэг юм. Учир нь эдгээр пирамидууд бол археологичид ашиглах эртний Египетийн соёл иргэншлийн шинэ нууцын эх юм" гэж ярьсан байна.
МЭӨ 2560 онд баригдсан Хеопс пирамид дотор хаад, хатдын өрөө хэмээгддэг хоёр том танхим байдаг. Танхим бүрээс 45 градусын өнцгөөр дээшээ чиглүүлдэг хоёр босоо ам байх бөгөөд эрдэмтдийн үзэж байгаагаар энэ нь нас барсан хааны сүнсийг нөгөө ертөнц рүү илгээх зорилготой байв.
Зөвхөн 1872 онд нээгдсэн хаан, хатны өрөөнөөс эдгээр хонгил нь хаашаа явах нь тодорхойгүй, учир нь гарцыг асар том хаалгаар хаасан байжээ. 1992, 2002 онуудад 10 жилийн зөрүүтэй видео камер бүхий роботуудыг пирамид доторх нууц өрөөнүүд рүү илгээсэн бөгөөд хаалганы цаана юу байгааг тодруулахын тулд хэдэн см зузаантай нүх өрөмдөх шаардлагатай байв. Гэвч үр дүнд нь эдгээр роботууд дахин шинэ хаалгатай тулгардаг байжээ. Одоо археологичид пирамидуудыг өргөн хэмжээнд сканнердсанаар эртний барилгуудын талаар дэлгэрэнгүй мэдээлэлтэй болно гэж найдаж буй аж.
Эх сурвалж: ВВС
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
