Мартсаныг сануулж, маргаашийг сэрээнэ
  • УЛААНБААТАР -5°C
  • ДОЛЛАР USD 3439
  • ЗУРХАЙ 2025.04.05

Их Британи: Курскт Хойд Солонгосын таван мянган цэрэг бэртсэн эсвэл амь үрэгдсэн

Их Британи: Курскт Хойд Солонгосын таван мянган цэрэг бэртсэн эсвэл амь үрэгдсэн

Их Британийн Батлан хамгаалах яам мэдэгдэл хийхдээ Курск мужид байлдсан Хойд Солонгосын таван мянган цэрэг бэртсэн эсвэл амь үрэгдсэн гэсэн байна. Тус яам мэдээлснээр өнгөрсөн сарын байдлаар тэдгээр цэргүүдийн гуравны нэг нь байлдааны үеэр амь үрэгджээ.

Хойд Солонгос өнгөрсөн жил Украины дайнд ОХУ-ыг дэмжин, Курск мужид байлдуулахаар 11 мянган цэрэг илгээсэн юм. Британийн Батлан хамгаалах яамны мэдээллээр бол тэдгээр цэргүүдийн тал нь бэртэж эсвэл амь үрэгдсэн байна. Тус яам “Амь үрэгдэж, бэртсэн БНАСАУ-ын цэргүүдийн томоохон хэсэг нь зүдэрмээр довтолгоо хийсний улмаас гэмтэж, нас барсан нь гарцаагүй” гэсэн юм.

Өнгөрсөн долоо хоногт БНСУ-ын зэвсэгт хүчин мэдэгдэл хийхдээ Курскт байлдсан 11 мянган Хойд Солонгосын дөрвөн мянган цэрэг бэртэж эсвэл амь үрэгдсэн хэмээсэн байна. Үүнээс гадна Хойд Солонгос нэг болон хоёрдугаар сарын хооронд гурван мянган цэрэг илгээсэн байх магадлалтай гэж Өмнөд Солонгосын зэвсэгт хүчин мэдээлжээ.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн
Нийт сэтгэгдэл (0)