Ирантай хэлэлцээ бүтэлгүйтвэл зэвсэгт мөргөлдөөн гарч магадгүй
9 
Францын Гадаад хэргийн сайд Жан-Ноэль Барро хэлэхдээ Ирантай цөмийн хөтөлбөрийн асуудлаар шинэ тохиролцоонд хүрч чадахгүй бол цэргийн мөргөлдөөн гарч магадгүй гэж хэлсэн байна. Ерөнхийлөгч Эммануэль Макроны тэргүүлж явуулсан Ираны асуудлаарх өндөр түвшний уулзалтын дараа Жан-Ноэль хэлэхдээ Техрантай дипломат тохиролцоонд хүрэх боломж маш нарийн байгаа гэжээ.
Европын орнууд болон АНУ Ираны уран баяжуулж буй цөмийн хөтөлбөрийг хязгаарлах тохиролцоонд хүрэхээр ажиллаж буй. Тэд энэ жилийн дундуур гэхэд тохиролцоонд хүрэхээр зорьж байгаа юм. Техран уран баяжуулж байгаа явдал нь цөмийн зэвсэг бүтээх бус иргэний эрчим хүчний зориулалттай хэмээн мэдэгдэж буй.
2018 онд АНУ-ын Ерөнхийлөгч Доналд Трамп Ирантай хийсэн цөмийн хөтөлбөрийн тохиролцооноос гарч, тус улсын эсрэг хориг арга хэмжээ авсан. Тэр цагаас хойш Иран уран баяжуулалтын түвшнээ нэмэгдүүлсэн юм. Одоо барууны орнууд Ирантай шинэ цөмийн хөтөлбөрийн тохиролцоонд хүрэхээр ажиллаж байгаа.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
