Венецийн сувгууд хатаж, хотын тээвэр зогсжээ
513 
Венец усны, нарийн сувгуудаар сүлжилдсэн хот. Хотод бороо бага орсноос ган болж, суваг хоолойнууд хатжээ.
Тус хотод авто тээвэр байдаггүй. Усан замаар бүх тээврэээ хийдэг юм. Суваг хоолойнууд хатсаны улмаас завь явах боломжгүй болсон байна. Иймд түргэн тусламж, гал түймрийн болон хог цуглуулдаг албаныхан ажлаа хийхэд ихээхэн хүнд болжээ. Тэд явган явахаас өөр аргагүй болж, түргэний эмч нэг удаа өвчтөнөө тэврэн явж, эмнэлэгт хүргэсэн аж.
Энэ жил Италийн хойд хэсэгт бороо бага орсон тул Венецийн сувгууд руу ус шахаж эхэлсэн ч хангалтгүй байна.
Венецэд суваг хатах үзэгдэл жилд хоёр удаа тохиолдох нь энгийн үзэгдэл болжээ. Италийн хойд хэсэгт далайн усны түвшин 65 см-ээр буурсан байна. Мөн цас бага орсон тул энэ жил цанын баазууд үйлчлүүлэгчгүй өнжжээ.
Хур тунадас багассаны сацуу далайн урсгал, өндөр даралтын систем, цаг агаарын өөрчлөлт гэх мэт олон хүчин зүйлийн улмаас усны түвшин буурсан байна.. Өнгөрсөн долдугаар сард тус улсын хамгийн урт гол болох По голын усны түвшин ихээхэн буурч, сүүлийн 70 жилд тохиогоогүй ган болжээ. Иймд тус улсын байгаль хамгаалах байгууллагууд гангийн аюул нүүрлэснийг анхааруулсан байна.
ЭХ сурвалж: BBC
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
