Тува цэргүүд орос цэргүүдэд дарамтлуулж байна гэв
468 
Украины дайнд татагдсан тува цэргүүд олон нийтийн сүлжээнд видео бичлэг тавьж, дэглүүлж байгаагаа нийтэд мэдэгдсэн байна.
Тэднийг Донецкийн БНУ-ын цэргүүд дарамталж, зүй бусаар харьцаж байгаа гэнэ. Бичлэгийг үзсэн Тувагийн тэргүүн Владислав Ховалыг Донецкийн БНУ-ын Засгийн газрын тэргүүн Виталий Хоценкотой утсаар ярьж, байдлыг шалгахыг хүсэж, бие төлөөлөгчөө Украинд илгээхээр болжээ.
Владислав Ховалыг блогдоо “Улс орны өнцөг булан бүрээс эх орноо хамгаалж, цэргийн тусгай ажиллагаанд оролцохоор хэн нэгний аав, нөхөр, хүү гээд олон хүн явсан. Энэ дэглэлт бол цэрэгт татагдсан иргэдийн сэтгэл санааг мохоох балмад үйл явдал юм. Би ОХУ-ын БХЯ-ны сайдад захидал бичнэ. Би Украинд байгаа бүх тува цэргүүдийн тоо, нөхцөл байдал, хангамж, шархадсан цэргүүдийг хэрхэн эмчилж байгааг шалгах болно” гэж бичжээ.
ОХУ-ын Батлан хамгаалахын сайд нь армийн генерал, Тувагийн Сергей Шойгу билээ.
Эх сурвалж: Зиндаа.мн
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
