Трампын улмаас АНУ-ын S&P 500 нэг хоногийн дотор 2.4 их наяд ам.доллар алдлаа
10 
АНУ-ын S&P 500 индексэд багтдаг компаниуд пүрэв гарагийн /2025.04.03/ арилжаагаар зах зээлийн үнэлгээ нь 2.4 их наяд ам.доллароор багассан байна. Энэ нь цар тахал буюу 2020 оноос хойш үзэгдсэн нэг хоногийн хамгийн том уналт байлаа. S&P 500 нь АНУ-ын хамгийн өндөр үнэлгээтэй 500 компанийн хувьцааны индекс юм.
Доналд Трамп лхагва гарагт /2025.04.02/ 180 гаруй оронд хариу гаалийн татвар оноосны улмаас олон улсын худалдааны дайны нөхцөл байдал даамжирч, дэлхийн эдийн засаг уналтад орно гэх айдсыг нэмэгдүүлсэн билээ. БНХАУ болон Европын холбоо хариу арга хэмжээ авна гэдгээ мэдэгдсэн. Харин БНСУ, Мексик, Норвеги, Энэтхэг гэх мэт орнууд тариф ирэх долоо хоногийн лхагва гарагт /2025.04.09/ хэрэгжиж эхлэхээс өмнө хэлэлцэхээр төлөвлөж байна
S&P 500-гаас гадна Уолл Стрит бүхэлдээ томоохон алдагдал хүлээсэн юм. Nasdaq Composite индекс 5.99 хувь, Dow Jones индекс 3.989 хувиар буурчээ. Мөн сүүлийн жилүүдэд АНУ-ын хөрөнгийн зах зээлийн үнэлгээг рекорд дээд хэмжээнд хүргэсэн технологийн компаниудын хувьцааны үнэлгээ ихээр унасан байна. Тэдгээрээс хамгийн их уналт үзүүлсэн нь “Apple” байв. Трамп нэмэлтээр 34 хувийн татвар оноосон БНХАУ-д iPhone-оо үйлдвэрлэдэг тэрхүү компанийн хувьцаа 9 гаруй хувиар буурч, зах зээлийн үнэлгээнээс нь 293 тэрбум ам.доллар арчигджээ.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
