Путин: Вагнерийн цэргүүд улсаас хоёр тэрбум долларын санхүүжилт авсан
597 
ОХУ-ын Ерөнхийлөгч Владимир Путин Вагнерын хөлсний цэргийн дарга Евгений Пригожины нийтийн хоолны фирмийн санхүүг түүний бослого гаргасны дараа шалгах болно гэж мэдэгдээд Вагнер болон түүний үүсгэн байгуулагчид өнгөрсөн онд Оросоос бараг хоёр тэрбум ам.долларын санхүүжилт авсан гэж мэдэгджээ. Путин эхлээд 1917 оны хувьсгал, дараа нь иргэний дайн эхлүүлсэн үеийн үймээн самуунтай харьцуулан бослогыг дарна гэж амласан ч хэдэн цагийн дараа Пригожин болон түүний зарим дайчдыг Беларусь руу явахыг зөвшөөрсөн.
Путин Кремльд болсон уулзалтын үеэр Оросын армийн цэргүүдэд хандан үг хэлэхдээ Вагнерын дайчдыг үргэлж хүндэтгэсээр ирснээс гадна улсын төсвөөс санхүүжүүлсэн талаараа мэдэгдсэн байна.
Тэрээр 2022 оны тавдугаар сараас 2023 оны тавдугаар сарын хооронд Батлан хамгаалах яамнаас 86 тэрбум рубль буюу нэг тэрбум ам.доллар хүлээн авсан гэжээ. Түүнчлэн Пригожины Конкорд нийтийн хоолны компани Оросын армид хоол хүнс нийлүүлэхийн тулд улсын гэрээгээр 80 тэрбум рублийн санхүүжилт авсан гэдгийг онцолжээ. "Энэ ажлын хүрээнд хэн ч юу ч хулгайлаагүй, эсвэл бага хулгайлаагүй гэж би найдаж байна, гэхдээ бид мэдээж энэ бүгдийг шалгах болно” гэдгийг Путин онцолжээ.
Пригожин өнгөрсөн даваа гарагт Оросын төрийг түлхэн унагах гэж оролдоогүй, Батлан хамгаалах яамтай тооцоо хийх гэж байсан бөгөөд эх оронч хэвээрээ гэдгээ мэдэгдсэн.
Эх сурвалж: IToim.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
