Мансууруулах бодис хилээр оруулж, борлуулахыг завдсан 2 этгээд 461-р хориход саатуулагдаж байна
10 
24 болон 34 настай хоёр залуу Европын орноос их хэмжээний мансууруулах бодис авч Монгол Улсын хилээр нэвтрүүлэн борлуулахыг завдсан хэрэг гуравдугаар сарын 18-ны өдөр гарсан.
Тодруулбал, Интерполоор эрэн сурвалжилж байсан, Францад оршин суудаг манай улсын харьяат М гэх эр өнгөрөгч оноос эхлэн Т гэх залуутай богц нийлж Монголд удаа дараалан хар тамхи борлуулж байсан нь ил болов.
Хамгийн сүүлд л гэхэд ХБНГУ-аас олон улсын шуудан илгээмжийн үйлчилгээг ашиглан ариун цэвэр, гоо сайхны бараа мэтээр баримт халхавчлан их хэмжээний буюу 844 гр мансууруулах бодис оруулж ирээд баригдаж. Тухайлбал Сүхбаатар дүүргийн нутаг дэвсгэр дээрээс хар тамхи худалдан борлуулах гэх үйлдэл дээр нь ЦЕГ-ын Хар тамхитай тэмцэх газрынхан саатуулсан байна. Одоогоор тэд ШШГЕГ-ын харьяа Цагдан хорих дүгээр ангид хоригдож буй бөгөөд мансууруулах бодисыг холбогдох лабораторид нь шинжилж байна.
Тэднийг Эрүүгийн хуулийн 20.7 дугаар заалтыг 3.3 дахь хэсэг буюу "Мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгоор хууль бусаар олж авсан, хадгалсан, тээвэрлэсэн, илгээсэн, худалдсан хэргийг улсын хилээр нэвтрүүлж үйлдсэн" гэх заалтын дагуу яллагдагчаар тооцсон. Хэрэв уг заалтыг зөрчсөн хэмээн шүүхээс үзвэл таван жилээс арван хоёр жил хүртэл хугацаагаар хорих ял шийтгэх зүйлчлэлтэй юм.
Нэмэлт: Дээрх хоёр этгээдээс гадна хамсаатан гэгдэх Т, Н нарыг саатуулсан байна. Ингэхдээ худалдаалах гэж байсан багагүй хэмжээний мансууруулах бодис болон жин хэмжүүр зэргийг хураан авчээ.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
