АТГ сүүлийн хоёр жил хэрхэн ажиллав
168 
АТГ албан тушаалтнуудын хөрөнгө, орлогын мэдүүлгийг бүртгэж аваад сайтаараа дамжуулан нийтэд мэдээлдэг. Үүнтэй зэрэгцэн албан тушаалтнууд орлого, хөрөнгөө хууль ёсны дагуу олсон эсэхийг төлөвлөгөөт шалгалтаар шалгадаг. Бас иргэдээс өгсөн гомдол, мэдээллийн дагуу шалгадаг юм билээ. Улсын хэмжээнд 50 гаруй мянган албан тушаалтны хөрөнгө, орлогын мэдүүлгийг бүгдийг шалгах хүн хүчний боломж АТГ-т байхгүй. Гэхдээ жилдээ 500 гаруй албан тушаалтныг шалгаж амждаг юм байна. Хяналт шалгалтыг хийхдээ үндэслэлгүй хөрөнгөжсөн эсэх талаас нь, эрсдэлд суурилж хийдэг талаар АТГ-аас мэдээлдэг.
Сүүлийн 2 жилд 63 албан тушаалтныг үндэслэлгүй хөрөнгөжсөн байж болзошгүйг тогтоож, Эрүүгийн хуульд заасан зүйл ангиар хэрэг үүсгэн шалгажээ. Тухайлбал, хамаарал бүхий этгээдийнхээ үүсгэн байгуулсан аж ахуйн нэгжийн нэр дээр эрүүл мэндийн тусгай зөвшөөрөл авсан, худалдан авах үйл ажиллагаанд оролцож гэрээ байгуулсан, хамаарал бүхий этгээдийн болон хамтран амьдрагчийн нэр дээр өмчилсөн амины орон сууц, өндөр үнэлгээтэй автомашины эх үүсвэр нь хууль ёсны орлогоос илт давсан дүнтэй зэрэг зөрчлүүдийг илрүүлж, үндэслэлгүй хөрөнгөжсөн эсэхийг нарийвчлан тогтоохоор ажиллаж байгаа юм байна.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
