Зөрүүтэй мэдээллээ хоёрдугаар сарын 8-наас өмнө залруулснаар хүүхдийн мөнгөнд хамрагдах эсэхийг тогтооно
Хөдөлмөр, нийгмийн хамгааллын яамнаас иргэдийг 2023 оны хоёрдугаар сарын 8-ны өдрийн 17:00 цагаас өмнө өрхийн зөрүүтэй мэдээллийг мэдээлэл хариуцагч байгууллагуудын анхан шатны нэгжид хандаж залруулахыг анхааруулжээ.
Шинэчилсэн мэдээлэлд үндэслэн өрхийн амьжиргааны түвшинг дахин үнэлэх ажлыг 2023 оны хоёрдугаар сарын 16-ны өдрийн дотор хийнэ. Улмаар хүүхдийн мөнгөн тэтгэмжид хамрагдах эсэхийг 16-ны өдрөөс хойш шалгах боломжтой гэж мэдээллээ.
Засгийн газраас хүүхдийн мөнгийг зорилтот бүлэгт олгох тухай шийдвэр гаргасан. Үүнтэй холбоотойгоор иргэд И-Монголиа, И-Халамж зэрэг цахим сайтаар мэдээллээ шалгахад алдаатай, зөрүүтэй байгаа асуудал үүсээд буй.
ЗГХЭГ-ын дарга Д.Амарбаясгалан "Гарсан алдааг иргэдтэйгээ хамтарч 14 хоногийн дотор засаж залруулах болно" хэмээн мэдэгдсэн.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
5
Хаха
2
38
Буруу
0
Гайхмаар
2
Харамсалтай
1
Хөөрхөн
Чирэгдэл учруулахгүй халамжийн мэргэжилтэнгүүд нь засаж залруулж болдоггүй юмуу. Олон төрлийн газар царайчилж явах хүндрэлтэй байна. Тэдгээр нь болохоосоо болохгүй нь их байна.