Оршин суугаа хаягийн бүртгэлээ цахимаар шалгах үйлчилгээг өнөөдрөөс эхлүүллээ
378 
Улсын бүртгэлийн байгууллагаас иргэдийг оршин суугаа газрын хаягийн бүртгэлээ шалгахыг уриалав. Мөн https://burtgel.gov.mn/ цахим хуудсаар өөрийн болон тухайн хаягт бүртгэлтэй иргэдийн мэдээлэлтэй танилцах үйлчилгээг өнөөдрөөс эхлүүллээ.
Дээрх цахим хуудсаар нэвтэрч байнга оршин суугаа газрынхаа хаягийн бүртгэлийн мэдээллийг шалгаж, хэрэв зөрүүтэй тохиолдолд мэдээлэх боломжтой. Ирүүлсэн мэдээллийг нягтлан шалгаж, даруй хариу мэдэгдэх юм.
Мөн өөрийн байнга оршин сууж байгаа хаягийн бүртгэлээ өөрт ойрхон улсын бүртгэлийн байгууллагын нэгж, улсын бүртгэлийн үйлчилгээний цахим машин болон төрийн үйлчилгээний нэгдсэн систем /emongolia.mn/-ээр шалгах боломжтой. Мөн шилжилт хөдөлгөөний бүртгэлд дээрх байдлаар бүртгүүлж болно.
Иргэн байнга оршин суухаар бүртгүүлсэн хаягийн мэдээлэл бүхий улсын бүртгэлийн мэдээллийн сан нь Хүн ам, өрхийн мэдээллийн сан /ХАӨМС/-гаас тусдаа сан юм.
Иймд Хүн ам, өрхийн мэдээллийн сан /ХАӨМС/-гийн мэдээлэлтэй холбоотой асуудлаар баг, хорооны Засаг даргад хандахыг зөвлөж байна.
Эх сурвалж: Улсын бүртгэлийн ерөнхий газар
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
