ГОВЬ-АЛТАЙ: “Гэгээн нуурын мөнгөн өвөл-2023” үйл ажиллагаа энэ сарын 21-нд болно
Говь-Алтай аймгийн ЗДТГ, Биеийн тамир спортын газар, Байгаль орчин, аялал, жуулчлалын газар, “Тайшир Гуулин” УЦС, Тайшир сумын ЗДТГ хамтран “Гэгээн нуурын мөнгөн өвөл-2023” үйл ажиллагааг нэгдүгээр сарын 21-ний өдөр Тайшир сумын Гэгээн нууран дээр зохион байгуулна.
Үндэсний өв соёлыг түгээн дэлгэрүүлэх, өвлийн аялал жуулчлалыг хөгжүүлэх, сурталчлах, иргэд, албан байгууллага, аж ахуйн нэгж хамт олноороо эрүүл агаарт гарч нийтийн биеийн тамираар хичээллэж, эрүүл мэнд, бие бялдраа чийрэгжүүлэх, цэвэр агаарт аялах, төрийн болон төрийн бус байгууллагын хамтын үйл ажиллагааг сайжруулах зорилгоор энэхүү үйл ажиллагааг зохион байгуулах юм.
Энэ үеэр мөсний шагайн тэмцээн, мөсний сур харваа, тэшүүрийн тэмцээн, олс таталт гэх мэт хөгжөөнт буухиа болон спортын тэмцээн болох ажээ.
Сонирхуулахад, Гэгээн нуур нь хүний гараар бүтсэн хамгийн залуу нуур бөгөөд Говь-Алтай аймгийн Тайшир суманд оршдог. Улаан Боомын хавцалд 2008 онд “Тайшир гуулин” УЦС-ыг байгуулахын тулд 50 метр өндөр, 190 метр урт далан байгуулан Завхан голын усыг хуралдуулсан нь 17,2 гаруй километр урт, 3,7 орчим километр өргөнтэй нуур бий болжээ.
Тус нуурт Завхан голд байдаг Монгол хадран, Алтайн сугас гэсэн хоёр төрлийн загас үржиж, усны шувууд суурьшин, мал ундаалах болжээ. Гэгээн нуур нь 2018 онд Google хайлтын системд албан ёсоор бүртгэгдсэн байна.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
