М.Баяраа: Сүүлийн хоёр сард бүтэн жил хэрэглэх давсаа цацсан
480 
Улаанбаатар хотын Ерөнхий менежер М.Баяраа Улаанбаатар хотын халтиргаа гулгаа, зам арчилгааны талаар мэдээлэл өглөө.
Тэрбээр “Нийслэл хотод 13.2 сая метр квадрат гудамж талбайн цэвэрлэгээг 18 байгууллага хийж байна. Нийслэлийн гол гудамж талбайг Хот тохижилтын газар хийж байна. Улаанбаатар хотод намраас хойш 13 удаа цас орсон. 2022-2023 оны хооронд 900 сая төгрөгөөр 1000 тонн бодис, 1.3 тэрбум төгрөгөөр 2900 тонн давс худалдан авсан. Үүнээс дүүргүүдийн ТҮК-үүдэд хуваарилалт хийдэг.
Нийт ТҮК-үүдэд 677 тонн давс, 155 бодис өгсөн. 9 дүүргийн 18 хог хаягдлын үйлчилгээ үзүүлж байгаа газруудад 906 зам талбайн үйлчлэгч, 37 давс цацагч машин, шүүртэй цэвэрлэгээний машин 32 ажиллаж байна. Өнгөрсөн хоёр сарын хугацаанд бүтэн жил хэрэглэх давс, бодисоо хэрэглээд байна. Гэхдээ одоогоор нөөц хангалттай байгаа. Бодис 2195, давс 3306 тонн нөөцтэй байна. Цаснаас гадна, хялмаа их үүсч байна. Хотын халтиргаа гулгаанд тоног төхөөрөмж хангалтгүй байна. Сүүлийн 10 жил тоног төхөөрөмжөө шинэчлээгүй байна.
Төв замуудад халтиргаа харьцангуй гайгүй байгаа ч нарийн цэвэрлэгээг хангалтгүй хийж байна. Замын нууханд үлдсэн давс, бодис, цасыг цэвэрлэдэггүй, автобусны буудалд гулгаа их үүсжээ. Иймээс нарийн цэвэрлэгээг сайтар хийх шаардлагатай байгаа. Давс, бодисын хүрэлцээг нэмэгдүүлэхэд анхаарч ажиллаж байна. 15 вагон бодис орж ирж байгаа. Эхний гурван вагон буюу 2300 тонн бодис буусан. Дүүргүүдэд бодис хангалтгүй байгаа тул дүүргүүдэд олгохоор төлөвлөсөн" гэв.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
