16 хүртэлх насныхныг зүрхний хэрэх өвчний үзлэг, шинжилгээнд хамруулна
606 
Эрүүл мэндийн сайд С.Энхболд НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комланыг өнөөдөр хүлээн авч уулзлаа. 2023 онд Монгол дахь НҮБ-ын Хүүхдийн сангаас “Стрептококкийн халдвараас үүдэлтэй зүрхний хэрэх өвчнөөс сэргийлэх төсөл”-ийг хэрэгжүүлнэ. Төслийн хүрээнд 16 хүртэл насны хүүхэд, өсвөр насныхныг зүрхний хэрэх өвчин буюу стрептококкийн шалтгаант өвчнүүдийн эрт үеийн илрүүлэг үзлэг, шинжилгээнд хамруулж, илэрсэн тохиолдолд эмчилгээг эхлүүлэх юм.
Тус хөтөлбөр нь Засгийн газартай хамтран зорилтот сурталчилгааны кампанит ажил явуулах замаар эрүүл амьдралын хэв маяг, түүний дотор эрүүл ахуйг дэмжих ба анхан шатны эрүүл мэндийн тусламж үйлчилгээ, сургуулийн эрүүл мэндийн асуудлуудад ихээхэн анхаарал хандуулна.
Түүнчлэн, оношилгоог сайжруулахын тулд одоо байгаа багаж тоног төхөөрөмжийг ашиглах чадвартай эмнэлгийн ажилтнуудтай хамтран ажиллаж, жирэмсний хяналт, нялхас, өсвөр үеийнхний эрүүл мэндийг дэмжих таатай орчныг бүрдүүлэх, эмч, сувилагч, эрүүл мэндийн ажилтнуудын зүрхний эмгэгийг эрт илрүүлж, оношлох багаж төхөөрөмж ашиглах чадавхийг сайжруулах болно.
Эрүүл мэндийн сайд С.Энхболд, Уг хөтөлбөрийг орон даяар хэрэгжүүлж буй эрт үзлэг илрүүлэг шинжилгээтэй холбон хэрэгжүүлэхэд боломжтой. Цаашид НҮБ-ын Хүүхдийн сантай эрүүл мэндийн салбарын мэргэжилтнүүдийг Харвардын их сургуульд сургах, цахим эрүүл мэнд, Сумын эрүүл мэндийн төвүүдийг нарны эрчим хүчээр хангах болон эрүүл мэндийн байгууллагуудыг орчин үеийн технологи бүхий ариун цэврийн байгууламжтай болгох зэрэг асуудлаар тасралтгүй хамтран ажиллахаа илэрхийлэв.
НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан, Хүүхдүүдийн эрүүл мэндийг дэмжихэд хувь нэмэр оруулж буй Люксембургийн Засгийн газарт Монгол дахь НҮБ-ын Хүүхдийн сангийн нэрийн өмнөөс гүнээ талархаж байна. Хүүхдийн зүрхний хэрэх өвчнөөс сэргийлэх, өвчлөлийг бууруулахад хөрөнгө оруулах нь хүүхдийн төрөлхийн өвчлөлийг бууруулахад туйлын үр ашигтай арга хэмжээний нэг юм.
НҮБ-ын Хүүхдийн сангаас ЭМЯ-ны санаачлан хэрэгжүүлж буй үндэсний хэмжээний эрт илрүүлгийн хөтөлбөрийг үргэлжүүлэн дэмжиж, 2023-2027 оны НҮБ -ын Хүүхдийн сангийн улс орны хөтөлбөрийн хүрээнд зөвхөн эрүүл мэндийн салбарт 15 сая гаруй ам.долларын хөрөнгө оруулалт хийж хамтран ажиллана гэдгээ илэрхийлэв.
Хөтөлбөрийг хэрэгжүүлэхэд ХӨСҮТ, ЭХЭМҮТ, ШУГТЭ-ийн Зүрхний төв НҮБХАС болон холбогдох хувийн байгууллагуудтай хамтран ажиллана. Стрептококкийн халдвараас үүдэлтэй өвчнөөр дэлхийд жилдээ 288,348 хүн нас бардаг. Гэхдээ өвчнийг эрт илрүүлж, эрт арга хэмжээ авснаар үр дүнд хүрэх боломжтой хэмээн ЭМЯ-наас мэдээлэв.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
