Хөгжлийн банк АТГ-т талархал илгээжээ
152 
Хөгжлийн банкнаас АТГ-т талархал илгээсэн бөгөөд уг талархлын бичигт “АТГ нь зээлийн эргэн төлөлтөөс бүрдүүлсэн эх үүсвэрээр 500 сая ам.долларын бонд, 30 тэрбум иений бондын өрийг амжилттай төлж барагдуулахад үнэтэй хувь оруулсанд талархал илэрхийлье” гэжээ.
АТГ-ын Мөрдөн шалгах хэлтсээс 2022-2023 онд Хөгжлийн банкны эрх бүхий албан тушаалтнууд албан үүрэг, бүрэн эрхээ урвуулан ашиглаж, нэр бүхий аж ахуйн нэгжүүдэд хууль бус давуу байдал бий болгон зээл олгосон эрүүгийн хэрэгт мөрдөн шалгах ажиллагаа явуулж, 2023 онд Хөгжлийн банкны эрх бүхий 84 албан тушаалтанд холбогдох эрүүгийн хэргийг шүүхээр шийдвэрлүүлсэн юм.
Хөгжлийн банк нь үйл ажиллагаагаа хэвийн үргэлжлүүлэх эсэх нь эргэлзээтэй, дампуурлаа зарлахад тулсан бэрх үед мөрдөн шалгах ажиллагааг богино хугацаанд шуурхай, эрчимтэй явуулж, тал бүрийн идэвх санаачилгын үр дүнд 2023 оны эцсээр нийт 1,6 их наяд төгрөгтэй тэнцэх хэмжээний зээлийн эргэн төлөлтийг АТГ-ын хамт олон хангуулж чадсаныг Хөгжлийн банкнаас онцлон тэмдэглэжээ.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
