Юн Сог Ёлыг огцруулахаар 15 мянган хүн, томилохыг шаардаж 23 мянган хүн жагслаа
128 
БНСУ-ын Ерөнхийлөгч Юн Сог Ёлыг огцруулах болон буцаан томилохыг шаардсан жагсаалууд тус улсын Сөүл хотод боллоо.
Юн Сог Ёлыг 2024 оны арванхоёрдугаар сард цэргийн хууль хэрэгжүүлэх гэж оролдсон хэрэгт буруутган импичмент хийсэн ба одоо Үндсэн хуулийн шүүх эцэслэн шийдэх ёстой.
Иймд тус улсад сүүлийн үед хэд хэдэн удаа Юн Сог Ёлыг огцруулах болон томилохыг шаардсан жагсаал боллоо.
- Юн Сог Ёлыг огцруулахыг шаардсан жагсаал Сөүл хотын Гёнбуг ордны ойролцоо болсон байна. Жагсаалд 15 мянган хүн оролцож “Ардчиллыг хамгаал. Цэргийн хууль хэрэгжүүлсэн хүнийг огцруул. Юн шоронд байх ёстой, тэр дахин цэргийн хууль хэрэгжүүлэхийг оролдох болно” уриатай жагсжээ. Мөн уг жагсаалд БНСУ-ын сөрөг хүчний Ардчилсан нам болон бусад дөрвөн нам нэгдсэн байна.
- Харин Юн Сог Ёлыг дэмжсэн жагсаал Сөүл хотын төв хэсэгт болсон байна. Жагсаалд 23 мянган хүн оролцож “Импичментийг хүчингүй болго. Үндсэн хуулийн шүүх шийдвэрээ хурдан гарга” гэх уриатай жагссан байна. Мөн "Save Korea" христийн бүлэг тус улсын Yeouido-д тусдаа гурван мянган хүнтэй Юн Сог Ёлыг дэмжсэн жагсаал зохион байгуулжээ.
Шүүх хурал хэзээ болох нь тодорхойгүй байгаа тул ийн иргэд эсэргүүцлээ үргэлжлүүлсээр байна.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
1
Буруу
0
Гайхмаар
0
Харамсалтай
0
Хөөрхөн
