Эмч нараа л харлуулж боломгүй!
158 
Ослоор алдсан охиноо донор болгосон ээж мэдээлэл хийв. Олон нийт П.Батчулуун эмчийг хоригдсон явдалд гэр бүлийг нь буруутгаж байна гэж ойлгожээ. Тийм ойлголтыг хэн нэгэн төрүүлж, хэвлэлийн бага хурал хийх нөхцөлд хүргэжээ, хийлгэжээ.
Угтаа бол хэн ч энэ гэр бүлийг буруутгаагүй. Харин ч гурван хүн аварсан ач буяныг нь санаж, талархал илэрхийлэн нийгмээрээ мэхийж байгаа. П.Батчулуун эмчийн явдалд шүүхийг л харин олон түмэн шүүмжилж, арай л хатуудсан шийдвэр гаргачихав уу даа гэж халаглаж байна. Шийдвэрээ эргэн хараач ээ гэж шахаж байна.
Гэтэл энэ гэр бүл ташаа ойлголт, ташаа мэдрэмж авчээ. Хамгийн харамсмаар нь олон нийтэд ЭМЧ НАРТ ИТГЭЖ БОЛОХГҮЙ ЮМ БАЙНА гэсэн ойлголтыг төрүүлчихлээ. Үүнээс нь болж бүхэл бүтэн салбарын нэр хүнд гундаж, чин үнэнээрээ ажиллаж буй эмч нар хэлмэгдэж, донор хүлээж буй олон олон иргэдийн амь нас цагийн зүүтэй уралдахаар боллоо.
Зээ хүүг нь хүртэл шүлэг уншууллаа. Тэр үйлдэл ер нь ямар ач холбогдолтой вэ? Шүлэг уншуул гэж хэн шахсан, зааварласан бэ?
Энэ гэр бүлийн буруу гэж юу байх вэ? Хүнээ алдсан, цөхөрсөн хүмүүсийн сэтгэл гэдэг хэцүү. Харин тэр эмзэг сэтгэл дээр нь дөрөөлж, нийгэмд нөлөөлөх ядмаг оролдлогыг хэн хийгээд байна вэ? гэдэг л сонирхол татам‼️
Больчихоосой, эрүүл мэндийн салбарынхан, эмч нараа битгий ингэж харлуулаасай. Өвдөхдөө бид хаашаа зүглэдэг, хэнийг зоридог билээ. Тэдэнд итгэхгүй гээд яах юм. Тэд хагалгааны өрөө рүү алхахдаа биднийг үхүүлэх гэж л лав санадаггүй байлтай.
Нийгмээрээ жаахан хэрсүү байж, асуудалд ул суурьтай хандах нь л чухал байна. Муйхраар хандах асуудал энэ лав яав ч биш шүү...
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
