Монголын цагдааг басамжлагчид хуулийн хүчийг мэдрүүл!
192 
Цахим мөрийтэй тоглоомын сайт ажиллуулдаг А.Баяржавхлан гэх нөхөр хилийн чанадаас мэдээлэл хийж, нийгэмд шуугиан тарилаа. Монголын цагдаагийн байгууллага тэр тусмаа Кибер гэмт хэрэгтэй тэмцэх хэлтэсийнхэнтэй хамтарч, тэдний заримд мөнгө төлж мөрийтэй тоглоомын үйл ажиллагаагаа явуулдаг, ер нь Монголд үйл ажиллагаа явуулж байгаа бүх сайтууд л ингэж ажилладаг гэв.
Ер нь шууд утгаараа цагдаа хуулийн байгууллагынхнаас эмээх зүйл алга, Монголын цагдаа хүчгүй, тиймээс "Үзвэл үзэлцье, чадвал намайг барь" л гэж байна. Тэрбээр цагдаагийн нэг ажилтанд сард 50-75 сая төгрөгийн авлига өгдөг байснаа ч нуулгүй дэлгэв.
Мэдээж төрийн бүх шатанд авлигын асуудал байна, авлигачид байна. Цагдаа, хууль хүчний байгууллагынханы дунд ч тэр. Гэхдээ бүгд тийм биш. Монголын цагдаа бас тийм нэг олон олон залуусын нулимс, харууслаар хөлжсөн, хэн нь мэдэгдэхгүй этгээдээр даапаалуулах хэмжээнд дордчихоогүй. Нэг үхрийн эвэр доргивол мянган үхрийн эвэр доргино гэгчээр нэжгээд хариуцлагагүй нөхдийн балгаар бүхэл бүтэн салбар бүүлүүлж, ганхаж байгаа нь харамсам.
А.Баяржавхлан мэт ийм нөхдөд хатуу харуцлага хүлээлгэж, төрийн төмөр нүүрийг утгаар нь мэдрүүлэх хэрэгтэй. Яриад байгаа холбоо хамсаатнуудыг нь ч олж, "Төрийн цагдаа ингэж ажилладаг юм аа" гээд тунхаглаад өгөх хэрэгтэй. Захын нэгэн нь гарч ирээд цагдаа, хууль хүчний байгууллагаа басамжлаад, бардаад байж болохгүй. Тэгүүлэхгүйн тулд л хууль дүрэм, түүнийг сахиулагч цагдаа хүчнийхэн байдаг шүү дээ.
Ер нь А.Баяржавхлан мэт цахим мөрийтэй тоглоом зохион байгуулж, олны зовлон дээр зоолон, буруу аргаар баяжигсад жаахан хөлжихөөрөө л өөрсдийгөө туйлын хүчтэй мэтээр мэдэрч, хууль хүчнийхэн ч сэтгэлд нь багтаад байдаг юм шиг байгаа юм. Тийм даврал хаана ч байхгүй, хуультай дүрэмтэй орон, тиймээс хэнийг ч тэгж давраамгүй...
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
