Монголоос ЕАЭЗХ-ны орнууд руу экспортлох 366 нэр төрлийн бараанд татвар ногдуулахгүй байх урьдчилсан тохироог хийжээ
301 
Монгол Улс Евразийн эдийн засгийн холбоотой чөлөөт худалдааны түр хэлэлцээр байгуулах Ажлын хэсгийн ахлагч, Тэргүүн шадар сайд Л.Гантөмөр өнгөрсөн долоо хоногт Москва хотноо ажиллаж, түр хэлэлцээр байгуулах гурав дахь шатны хэлэлцээг хийгээд иржээ.
Уг хэлэлцээгээр Монгол Улс Евразийн эдийн засгийн холбоотой байгуулах чөлөөт худалдааны түр хэлэлцээр байгуулагдвал ямар, ямар бүтээгдэхүүн татваргүй нийлүүлэх, эргээд ямар бүтээгдэхүүнийг татварын хөнгөлөлттэй авах зэрэг асуудлыг эцэслэн тохироод ирсэн байна.
Үр дүнд нь Монголоос ЕЭЗХ-ны орнууд руу гарах мах махан бүтээгдэхүүнүүд, арьс ширэн бүтээгдэхүүнүүд, ноос ноолууран бүтээгдэхүүнүүд, ХАА-н бусад бүтээгдэхүүнүүд болох нийт 366 барааг ямар ч гаалийн албан татваргүй болгож чаджээ.
Эндээс онцолбол манай улс дотооддоо өндөгнийхөө хэрэгцээг 100 хувь хангаж чаддаггүй, жилд 100-150 сая ширхэгийг импортлодог. Үүний 90 сая ширхэг хүртлэхэд 7.5 хувийн татвар ногдуулахаар, түүнээс дээш бол 15 хувийн татвар ногдуулахаар тохиролцжээ.
Мөн улаанбуудайн импортыг 50 мянган тонноор хязгаарлахаар зааснаар улаанбуудайг их хэмжээгээр оруулж ирэх боломжгүй болж, дотоодын тариаланчдад дэм болох эх оронч үйл ажиллагаа болжээ. Энэ мэт бусад олон чухал хэлцлүүд ч мөн хийгдсэн байна.
Гэвч цахим орчинд уг түр хэлэлцээрийн өмнөх хэлцлийг мушгин гуйвуулж, Монгол улс Евразийн эдийн засгийн холбоонд нэгдчихсэн мэт, Тэргүүн шадар сайд Л.Гантөмөр очоод нэгтгэчихсэн мэт ташаа ойлголтууд явж байгаа нь харамсалтай бөгөөд угтаа Тэргүүн шадар сайдаар ахлуулсан ажлын албаныхан дээр хэдэнтээ дурдсанчлан түр хэлэлцээрийн нөхцлөө сайжруулж, Монгол Улсын эдийн засагт өсөлт авч ирэх ашигтай тохироонуудыг хийгээд ирсэн байна.
Чухамдаа энэхүү хэлэлцээр нь 20 шахам жил хоёр талын найрсаг харилцаа, хүчин чармайлт дор явж ирсэн бөгөөд харин ч сүүлийн 2 жилийн хугацаанд Монголын талд ашигтай байх нөхцлүүдийг тусгуулахаар Монгол Улсын Тэргүүн шадар сайд бөгөөд Эдийн засаг, хөгжлийн сайд Л.Гантөмөр болон бусад хүмүүс идэвх чармайлт гарган, ажиллаж байгаа юм.
Харин өдгөө тэрхүү зүтгэлийн үр шим гарч, ЕАЭЗХ-ны ЕЭК-ын Худалдааны сайд Андрей Слепнев тэргүүтэй хүмүүс түр хэлэлцээрийн төслийн олон зүйл заалт дээр буулт хийж, Монголын талд давуу талууд бий болсон нь онцлууштай.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
