Монгол Улсын хэмжээнд хөрөнгө оруулалтын хуулийн төслийн тухай талцал бий болов
346 
Экс Ерөнхийлөгч Х.Баттулга Хөрөнгө оруулалтын хуулийн төслийг эсэргүүцэж УИХ-ын дарга Г.Занданшатарт шаардах бичиг өргөсөн. ҮАБЗ-ийг тэргүүлж байсан тэр ингэж, тус хуулийн төслийн эсрэг “тэмцэж” байгаагаа харууллаа.
Экс Ерөнхийлөгчийн энэ үйлдлээс болж УИХ, Засгийн газар, олон нийтийн дотор ч талцал үүсэх нь тодорхой боллоо. “Улс орны хөгжлийг хойшоо чангаагч нарын үгэнд орохгүй, Хөрөнгө оруулалтын хуулиар санал хураачихъя. Хэн нь хөгжлийг хойшоо чангааж байгааг тэгээд харчихъя” гэж тус хуулийг санаачлагч Ч.Хүрэлбаатар гишүүн мэдэгдсэн. Хөрөнгө оруулалтын хуулийн талд Т.Доржханд гишүүн бат зогсож байна.
Эксүүдээс Ерөнхий сайд асан М.Энхсайхан хуучны “анд” Х.Баттулгынхаа “хойноос” 600 гаруй иргэнийг хамруулан твиттерт хийсэн хэлэлцүүлэгт орж байр сууриа илэрхийлжээ. Хөрөнгө оруулалт өр үүсгэхгүй. Шинэ зах зээл бий болгоно. Ажлын байр бий болгоно. Шинэ технологи нөү хау орж ирнэ гэх зэргээр хөрөнгө оруулалтын сайн талыг дурджээ.
Харин УИХ-ын гишүүн Х.Болорчулуун, Ч.Хүрэлбаатарын санаачилсан Хөрөнгө оруулалтын хуулийн эсрэг байр сууриа илэрхийллээ. Хөрөнгө оруулалтын өмнөх хууль муу байгаагаас болж хөрөнгө оруулалт орж ирэхгүй байгаа юм биш. Олон нөхцөл байдлаас болж байна. Энэ хуулийн төслөөр бол багахан хөрөнгө оруулж ирээд байнга оршин суух эрх авах нь гэж байв.
УИХ-ын дарга “Засгийн газрын гишүүдийн байр суурь зөрөлдлөө. Засгийн газар нэгдсэн байр суурьтай байх ёстой” гээд Хөрөнгө оруулалтын хуулийн хэлэлцэх асуудлыг хойшлуулчихлаа. Хэрэлдэх, талцах хугацааг нь сунгачихлаа л гэсэн үг.
T.Санаа
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
