Х.Нямбаатар: Хоёр жилийн дотор гэр хорооллын бүсэд 12,000 айлын орон сууцны хороолол байгуулна
305 
Байгаль орчны салбарын өнөөгийн байдал, цаашид авч хэрэгжүүлэх арга хэмжээ, агаар болон орчны бохирдлыг бууруулах хүрээнд өнөөдөр Ерөнхий сайд Л.Оюун-Эрдэнэ холбогдох албаныхантай өглөөний уулзалт хийж байна.
Уулзалтын үеэр Байгаль орчин, экологийн салбарт тулгамдаж буй асуудал, гарц, шийдлийг тус салбарынхан болон нийслэлийн удирдлагууд Eрөнхий сайдад танилцуулжээ.
Нийслэлийн Засаг дарга Х.Нямбаатар "Нийслэлийн гэр хорооллыг орон сууцжуулах ажлыг хотын өмнөх удирдлагууд ч хийж байсан. Гол нь дэд төвүүд байгуулаагүй. Зөвхөн орон сууцжуулах бүсээ зарлаад иргэдэд зааж өгдөг. Дэд бүтэц, газар чөлөөлөлтийг нь хийж өгөөгүй нь алдаа болсон. Бид үүнийг шийдэхийг зорьж байна.
Нийслэлд зургаан дэд төв байгуулаад, газар чөлөөлөлтийг нь хийж өгнө. Ингээд 24 сарын дотор гэр хорооллын бүсэд 12 мянган айлын орон сууцны хороолол байгуулна.
Эхний ээлжид
- 20 мянган айл өрхийн дулааны хэрэглээг цахилгаан халаагуураар шийдэх,
- 80 мянган өрхөд угаарын хийгээд давхар шатаах зуухаар хангах,
- Азотын давхар исэл үүсгээд байгаа 40 мянган автомашины хөдөлгөөнийг хязгаарлах зэрэг арга хэмжээ авахаар ажиллаж байгаа гэв.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
1
Харамсалтай
0
Хөөрхөн
