Б.Энхбаярыг тойроод Их хурлаар дүүрэн нүүрсний тээвэрлэлттэй холбоотой, хамсаатан гишүүд байгаа даа!
709 
Нүүрсэнд машин явуулж байгаа гэж сагнагнах залуус олон болсон. Тэд гишүүн, сайд, дарга ахынхаа хаялагаар болж байна аа, лаглайж байна аа гэж виски, коньякны ард бааварладаг цүнх баригчийн цүнх баригчид их байдаг болж.
Нийгэмд ажил хийх гээд, бизнес хийх гээд мэдээлэл эрж яваа олон хүн үүнийг мэднэ ээ. Нүүрсний хулгайн сонсголыг хийх Түр хорооны дарга Баттөмөрийн Энхбаяр “Нотлох баримтыг гаргуулах ажлыг өнгөрсөн долоо хоногт эхлүүлсэн. Өнгөрсөн долоо хоногт Өмнөговь аймагт нотлох баримтуудыг очиж судалж байна. Нотлох баримтыг гаргаж өгөхгүй байгаа асуудал бий. Тиймээс ажлын даалгавар гаргаж байгаа утга нь ийм байна. Нүүрсний борлуулалт тээвэрлэлттэй холбоотой нэлээд мэдээлэл гаргуулж авах шаардлагатай. Өмнөх Түр хороонд гаалийн байгууллагаас хоёр зөрүүтэй мэдээлэл ирүүлсэн байна” гэж мэдэгджээ.
Энэ үгнээс үүдэн УИХ-ын гишүүд ихээхэн сандралдаж байгааг эх сурвалжууд хэлж байна. Өөрсдийн эрх ашиг, нэр төр, хамаарал хөндөгдөх гэж байгаа болохоор арга байж үү дээ.
Б.Энхбаярыг тойроод Их хурлаар дүүрэн нүүрсний тээвэрлэлтэй холбоотой, хамсаатан гишүүд байгаа. Б.Энхбаяр үүнийг нийгэмд гаргаж тавибал жинхэнэ гавьяа мөн дөө. Хамгийн сүүлд гэхэд, хамгийн чимээгүй, шударга хуульч гишүүн Их хурлын дэд спикер Л.Мөнхбаатар хүртэл нүүрс тээвэрлэлттэй холбоотой, хамааралтай гээд баримттайгаар хэвлэл сайтууд мэдээлсэн байна лээ.
“Хөвсгөл хөгжил сан”, 13 компани, 270 тэрбум энэ тэр гээд бичигдсэн. Ийм учраас Б.Энхбаяр Л.Мөнхбаатараасаа эхлээд тодруулаад тодруулаад, ус тосоор нь ялгаруулаад, нүүрсний дөчин их наядын хулгайн нүүрсний сонсголын асуудлаа шийдэх нь үндэстэний тэргүүн эрх ашиг байна.
Б.Ганхуяг нарыг шүүхийг хойшлуулаад л байна. Сонсголоос нүүрсний хэрэгт сонсгох хүмүүс гарах нь ойлгомжтой шүү дээ, хүлээгдэж л байгаа гэж ойлгогдохоор байгаа.
Хууль зүйн сайд маань салбарынхаа ажлаас нүүрсний Түр хорооны сонсголыг нэгдүгээрт тавьж байгаагаа, Ерөнхий сайд Л.Оюун-Эрдэнэ тэгж мөн шавдуулж байгааг хэлээд байгаа. Үр дүнгээ үзэх хэрэгтэй, тун даруй.
Б.ДОРНО
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
1
Хаха
0
0
Буруу
0
Гайхмаар
0
Харамсалтай
0
Хөөрхөн
