11 жилийн ялтай Б.Махбалыг хугацаанаас нь өмнө тэнсэн харгалзан суллажээ
457 
ЗТХЯ-ны Төрийн захиргаа, удирдлагын газрын даргаар ажиллаж байсан Б.Махбал нь яамныхаа Хяналт, шинжилгээ, үнэлгээ, дотоод аудитын газрын дарга Г-гийн амь насыг хөнөөсөн хэргээр 13 жилийн ял авч, давж заалдан 11 болгон бууруулснаар ялаа эдэлж байв.
Тэрбээр ШШГЕГ-ын харьяа Багануур дахь 427 дугаар хаалттай хорих ангид ял эдэлж байгаад өчигдөр уг дүүргийн Эрүүгийн хэргийн анхан шатны шүүхийн шийдвэрийн дагуу суллагдсан байна. Тодруулбал, Б.Махбалын өмгөөлөгчийн гаргасан хүсэлтийн дагуу прокурор хэргийг нь хянаж, Багануур дүүргийн шүүх рүү шилжүүлснээр хэргийг нь хянан хэлэлцээд уг шийдвэрийг гаргасан байна.
Б.Махбалыг Эрүүгийн хуулийн 74-р зүйл Эрүүгийн байцаан шийтгэх хуулийн 334-р зүйл, Шүүхийн шийдвэр гүйцэтгэх хуулийн 126.2 эдгээр хуулийн заалтуудад ял эдэлж буй ялтнуудыг хуульд заасан хугацааныхаа зохих хувийг биеэр эдэлсэн бол шүүх магадланд оруулж үлдсэн ялыг нь тэнсэн харгалзах ялаар сольдог зохицуулалтад үндэслэн, өмгөөлөгч нь суллах хүсэлт гаргаад байсан аж.
Нийслэлийн Эрүүгийн хэргийн давж заалдах шатны шүүх Сүхбаатар дүүргийн Эрүүгийн хэргийн анхан шатны шүүхээс 2020.08.21-ний өдөр Б.Махбалд оноосон 13 жилийн ялыг 11 болгон бууруулсан байдаг.
Мөн түүнийг “Хөгжлийн банк”-ны гэх тодотголтой нэр бүхий 80 шүүгдэгч, 4 хуулийн этгээдэд холбогдох эрүүгийн хэрэгт Хөгжлийн банкны ТУЗ-ийн гишүүнээр ажиллаж байхдаа нэр бүхий компанид зээл олгоход оролцсон гэх үндэслэлээр яллагдагчаар татсан.
Улмаар Хөгжлийн банканд холбогдох хэргийг гэмт хэргийг бүрэлдэхүүнгүй хэмээн хэргийг хэрэгсэхгүй болгосон.
Эх сурвалж: Eguur.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
1
Буруу
0
Гайхмаар
0
Харамсалтай
0
Хөөрхөн
