ЗГ-ын хуралдаан: Биржээр арилжаалах нүүрс, зэс зэрэг эрдэс түүхий эдийн төрлийг нэмэгдүүлнэ
449 
Засгийн газрын ээлжит хуралдаанаар хэлэлцсэн асуудлаар сайд нар мэдээлэл хийлээ.
Ерөнхий сайд Засгийн газрын хуралдааны үеэр:
-Өнөөдрийн Засгийн газрын хуралдаанаар ЦЕГ-ын даргаар Эрүүгийн цагдаагийн албаны дарга Т.Сүхболдыг томилсон. Үүнтэй холбоотойгоор Ерөнхий сайд Л.Оюун-Эрдэнэ цагдаагийн албыг шинэчилж, хүний эрхийг дээдэлж ажиллахыг шинэ даргад үүрэг болголжээ.
-Ерөнхий сайд баруун гурван аймагт ажилласан ажлын үр дүнг хэлэлцээд зарим сайдад үүрэг өгсөн байна. Тухайлбал, Халзан бүрэгтэй ордыг ашиглахтай холбоотой асуудал иргэдийн санал бодлыг тусгаж, тэр дагуу шийдвэр гаргахыг Уул уурхай, хүнд үйлдвэрийн сайд Ж.Ганбаатар, Байгаль орчин аялал жуулчлаын сайд Б.Бат-Эрдэнэ нарт даалгажээ.
-Эдийн засгийн хөгжлийн сайд Ч.Хүрэлбаатар: Өнөөдрийн Засгийн газрын хуралдаанд Монгол Улсын гадаад худалдаа, валютын нөөц, цаашид авч арга хэмжээний талаар мэдээллийг танилцууллаа. Есдүгээр сарын байдлаар Монгол Улсын гадаад валютын албан нөөц 3.933 сая ам.долларт хүрсэн. Энэ нь өнгөрсөн сартай харьцуулахад 106 сая ам.доллараар нэмэгдсэн дүн юм.
Эрдэс бүтээгдэхүүн тэр дундаа нүүрсний арилжааг биржээр зарж эхэлснээс хойш экспортын орлого, валютын нөөц нэмэгдсэн. Цаашдаа биржээр арилжаалах нүүрс, зэс зэрэг эрдэс түүхий эдийн төрлийг нэмэгдүүлэх чиглэлд ажиллана. Биржээр арилжаалах түүхий эд нэмэгдэх тусам Монгол Улсын экспортын орлого, валютын нөөц нэмэгдэнэ.
Экспортын хэмжээ тасралтгүй нэмэгдэж байгаатай холбоотойгоор хилийн боомтуудын нэвтрүүлэх чадварыг нэмэгдүүлэх арга хэмжээг авч ажиллах шаардлагатай байна. Төмөр замын үйл ажиллагааг оновчтой болгох, ашиглалтад орсон төмөр замуудын орц, гарцыг нээх чиглэлд тодорхой ажлууд хийхээр төлөвлөснөө танилцуулсан гэлээ.
-Уул уурхай хүнд үйлдвэрийн сайд Ж.Ганбаатар: Ховд аймгийн Мянгат суманд байрладаг Халзан бүрэгтэй ордод хамаарах хоёр лицензийг Монголиан Нэшнл Рийр Ийрт корпорац эзэмшиж байна. Тус корпорацыг Худалдаа хөгжлийн банк 100 хувь эзэмшдэг.
Ерөнхий сайд Ховд аймагт ажиллаж ирээд Ханзан бүрэгтэй ордыг ашиглах, холбогдох хоёр лицензийг хуулийн дагуу ашиглах асуудлыг орон нутгийн иргэдийн саналд үндэслэн шийдэхийг УУХҮ-ийн сайд Ж.Ганбаатар, БОАЖ-ын сайд Б.Бат-Эрдэнэ нарт даалгалаа. Энэ дагуу өнөөдрөөс эхлэн Халзан бүрэгтэй ордын хоёр лицензийг түр түдгэлзүүлж, хайгуулын ажлыг зогсоож байна. Хуулийн дагуу шалгаад хууль зөрчсөн байвал лицензийг цуцална. Харин хуулийн зөрчлөө арилгаж, иргэдийн санал гомдлыг шийдвэрлэбэл үргэлжлүүлэн ажиллах боломжтой гэж мэдэгдлээ.
Халзан бүрэгтэй орд нь:
-Хүдэр 268 сая
-Исэл 1.2 сая тоннын нөөцтэй юм байна. /Монгол Улс гурван сая тонны газрын ховор элементийн нөөцтэй гэж тооцвол Халзан бүрэгтэй орд нь 40 хувийг эзэлдэг томоохон орд юм/
Хууль зүй, дотоод хэргийн сайд Х.Нямбаатар: Өнөөдрийн Засгийн газрын хуралдаанаар Шүүх эрх мэдлийн бодлого батлах тухай УИХ-ын тогтоолын төслийг хэлэлцээд, Засгийн газраас өгөх санал дүгнэлтийг баталж, намрын чуулганаар хэлэлцүүлэх дэмжлээ гэв.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
