Зудын эрсдэл 70 хувьд хүрчээ
383 
Манай орны нийт нутгийн 60 хувьд зуд болох эрсдэлтэй гэсэн төлөвийг Ус, цаг уур, орчны шинжилгээний газраас өнгөрсөн сарын 25-нд гаргаж байв. Тэгвэл уг үзүүлэлт өдгөө 70 хувьд хүрч ихэсжээ. Манай орны нийт нутгийн 30 гаруй хувьд цасан бүрхүүл тогтоод байна. Өмнө нь гаргасан төлөвтэй харьцуулахад сүүлийн 10 орчим хоногт цас их орсон Завхан, Хөвсгөл, Төв, Хэнтий аймгийн зарим сумд зудын эрсдэл нэмэгдсэнийг дээрх хүрээлэнгээс мэдээлсэн байна. Баруун болон өмнөд хэсэгт өнгөрсөн зуны турш гандуу, гантай байсан, нийт нутгийн 60 хувьд бэлчээрийн даац хэтэрсэн, ирэх өвөл цаг агаарын байдал хүндрэх төлөвтэй зэрэг нь мөн зудын эрсдэл ихсэхэд нөлөөлжээ.
Аймгуудаар ангилан харвал Баян-Өлгий, Увс, Ховд, Говь-Алтай, Завхан, Баянхонгор, Өмнөговь, Өвөрхангай, Архангайд зудын эрсдэл өндөр байгаа аж. Улсын онцгой комиссоос мэдээлснээр бол зудын эрсдэлтэй аймгуудын малчид отор нүүдэл хийх нь ихэсжээ. Тухайлбал зургаан чиглэлд 9.5 сая малыг отроор өвөлжүүлэх урьдчилсан тооцоог тус комиссоос гаргасан байна.
Эх сурвалж: Өнөөдөр сонин
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
