ХНХ-ын сайдаар Х.Булгантуяа, Боомтын сайдаар Б.Тулгыг томилохоор болжээ
461 
ХНХЯ-ын сайд Т.Аюурсайхан гуравдугаар сарын 24-нд өөрийн хүсэлтээр ажлаа хүлээлгэн өгсөн. Иймд тус яамны сайдаар УИХ-ын гишүүн, Боомтын сэргэлт хариуцсан сайд Х.Булгантуяаг томилжээ.
Тэрээр нэгдүгээр сарын 5-наас боомтуудыг хариуцах болж, 20 орчим боомтод очиж ажилласан юм. Харин цаашид МАХН-ын удирдлагуудын нэг байсан Б.Тулга боомтуудын дэд бүтэц, хөгжлийг хариуцна. Шинэ сайд нар өнөөдөр 17.30 цагт УИХ-ын чуулганы нэгдсэн хуралдаанд оролцон, тангаргаа өргөж, үүрэгт ажилдаа орно.
Х.Булгантуяагийн намтар
- 1998 онд “Монгол Турк”-ийн хамтарсан гүнзгийрүүлсэн сургалттай ерөнхий боловсролын дунд сургууль
- 2006 онд БНХАУ-ын “Хуазонг” Шинжлэх ухаан технологийн их сургууль, эдийн засагч
- 2008 онд АНУ-ын Иелийн Их сургууль, эдийн засагч, олон улсын эдийн засаг, хөгжлийн эдийн засгийн магистр
АЖИЛЛАСАН БАЙДАЛ
- 2006-2008 онд “Бүтээлч шийдлүүд” ХХК, хөрөнгө оруулалтын зөвлөх
- 2008-2010 онд Дэлхийн банкны төсөл, хөтөлбөрийн зөвлөх
- 2010-2011 онд “Оюу толгой” ХХК, инженерийн албаны төслийн менежер
- 2011-2012 онд “Оюу толгой” ХХК, Бизнес стратегийн газарт арилжааны үндсэн зөвлөх
- 2012-2013 онд “Петровис” ХХК, Бизнес хөгжлийн газрын дарга
- 2013-2016 онд МАН-ын Олон улсын харилцаа, намын зохион байгуулалт, хамтын ажиллагааны асуудал эрхэлсэн нарийн бичгийн дарга, Удирдах зөвлөлийн гишүүн
- 2016-2020 онд Сангийн дэд сайд
- 2020 оноос Монгол Улсын Их Хурлын гишүүн
- 2023 оноос Засгийн газрын гишүүн, Монгол Улсын сайд, Боомтын сэргэлтийн Үндэсний хорооны дарга
ГАДААД ХЭЛ Англи, Орос, Хятад, Япон
ЦАХИМ ШУУДАН bulgantuyakh@parliament.mn
Б.Тулга МАХН-ын Ерөнхий нарийн бичгийн дарга, МАН-ын орон тооны нарийн бичгийн дарга, БОАЖ-ын дэд сайдаар тус тус ажилласан юм.
Sanuulga.mn
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
